Anelik Bank
հայ
eng

Փոխարժեք: թարմացված է առ: 21.05.2013

  • 415.00, 418.00
  • 13.10, 13.50
  • 531.00, 541.00
ԲԻԶՆԵՍ
ԱՆՀԱՏ
Գլխավոր Մասնաճյուղեր Մատուցվող ծառայություններ Նորություններ Բանկի մասին Վաճառվող գույք


Բաժնետերեր
 
Հայտարարություն
 
2013թ. ապրիլի 30-ին,  Երևանի ժամանակով ժամը 13:00 կկայանա «Անելիք Բանկ» ՓԲԸ Բաժնետերերի Տարեկան Ընդհանուր ժողով  հետևյալ օրակարգով.
 
1.    2012թ. «Անելիք Բանկ» ՓԲԸ կատարված աշխատանքների հաշվետվության քնննարկում:
2.    «Անելիք Բանկ» ՓԲԸ 2012թ. տարեկան ֆինանսական հաշվետվությունների հաստատում:
3.    «Անելիք Բանկ» ՓԲԸ նախորդ տարիների չբաշխված շահույթի հարցի քննարկում:
4.    «Անելիք Բանկ» ՓԲԸ կանոնադրության 16.9 կետի փոփոխություն:
5.    Բանկի Խորհրդի անդամների վերընտրության և նոր անդամների ընտրության հարցի քննարկում:
6.    Բանկի Խորհրդի անդամների և նախագահի վարձատրության չափի հարցի քննարկում:
7.    Այլ հարցեր:

Բաժնետերերի Տարեկան Ընդհանուր ժողովին մասնակցելու իրավունք ունեցող մասնակիցների ցուցակի կազմման ամսաթիվն է 15.03.2013թ. :
Մասնակիցների գրանցումը սկսվելու է 2013 թ. ապրիլի 26-ին ժամը 12:00 –ից:
Բանկի Բաժնետերերի Տարեկան  Ընդհանուր ժողովում քննարկվող հարցերին վերաբերող տեղեկություններին և նյութերին մասնակիցները կարող են ծանոթանալ Գլխամասային բանկում սկսած 2013թ.  ապրիլի 26-ից:


Քաղաքականություն

«Անելիք Բանկ» ՓԲԸ կողմից Բանկի մասնակիցներին շահութաբաժիններ վճարելու մասին
1. Սույն քաղաքականությամբ սահմանվում են «Անելիք Բանկ» ՓԲԸ - ի / այսուհետ `Բանկ / կողմից Բանկի մասնակիցներին վճարվելիք շահութաբաժինների չափի որոշման, ինչպես նաեւ շահութաբաժինների վճարման սկզբունքներն ու դեպքերը:
2. Բանկը իր մասնակիցներին կարող է վճարել միայն տարեկան շահութաբաժիններ:
Բանկի մասնակիցներին վճարվելիք տարեկան շահութաբաժինների չափը չի կարող գերազանցել տվյալ ֆինանսական տարվա ընթացքում ստացած զուտ շահույթի 30% - ը, բացառությամբ այն դեպքերի, երբ որոշում է ընդունվում վճարվելիք շահութաբաժինները ուղղել Բանկի կանոնադրական հիմնադրամի ավելացմանը, որի դեպքում տարեկան շահութաբաժինների չափը կարող է կազմել տվյալ պահին Բանկում առկա չբաշխված զուտ շահույթի / այդ թվում նախորդ տարիների չբաշխված զուտ շահույթի / մինչեւ 100% - ը:
Ընդ որում, տվյալ ֆինանսական տարվա ընթացքում ստացված զուտ շահույթից վճարվելիք շահութաբաժինների չափը բացառիկ դեպքերում կարող է գերազանցել 30% - ի չափը միայն Բանկի մասնակիցների ընդհանուր ժողովի որոշմամբ, ժողովին մանակցող մասնակիցների ձայների 2/3 - ով:
3. Շահութաբաժինները վճարվում են Բանկի զուտ շահույթից / կուտակված շահույթից /:
Բանկի մասնակիցներին շահութաբաժիններ բաշխելը արգելվում է, եթե այդ պահին Բանկի կրած կորուստները / վնասները / հավասար են կամ գերազանցում են բանկում առկա չբաշխված զուտ շահույթի գումարը:
4. Բանկի մասնակիցներին տարեկան շահութաբաժիններ վճարելու գործընթացը կատարվում է հետեւյալ կերպ.
  4.1 Ֆինանսական տարվա արդյունքներից ելնելով Բանկի խորհուրդը որոշում է առաջարկությամբ դիմել ընդհանուր ժողովին տարեկան շահութաբաժիններ վճարելու վերաբերյալ, նշելով շահութաբաժնի չափը, դրա վճարման ձեւը եւ ժամկետները:
  4.2 Բանկի խորհուրդը կազմում է շահութաբաժիններ ստանալու իրավունք ունեցող մասնակիցների ցուցակը, որում պետք է ընդգրկվեն Բանկի այն մասնակիցները, որոնք ընդգրկվել են բանկի մասնակիցների ռեեստրում, բանկի մասնակիցների տարեկան ընդհանուր ժողովին մասնակցելու իրավունք ունեցող մասնակիցների ցուցակը կազմելու օրվա դրությամբ:
  4.3 Բանկի Խորհրդի առաջարկության հիման վրա Բանկի մասնակիցների հերթական տարեկան ընդհանուր ժողովը կարող է որոշում կայացնել.
    4.3.1 Բանկի մասնակիցներին տարեկան շահութաբաժինների վճարման, շահութաբաժնի կոնկրետ չափի, դրա վճարման ձեւի եւ ժամկետների վերաբերյալ, կամ
    4.3.2 Բանկի մասնակիցներին տարեկան շահութաբաժիններ չվճարելու վերաբերյալ:
5. Սույն քաղաքականությունը ուժի մեջ է մտնում Բանկի Խորհրդի կողմից հաստատվելու պահից:
  • 2003թ, 2004թ, 2005թ գործունեության արդյունքներով շահութաբաժիններ չեն վճարվել:
  • 2006թ. գործունեության արդյունքներով շահութաբաժինների վճարման վերաբերյալ`
    «Անելիք Բանկ» ՓԲԸ մասնակիցների հերթական  տարեկան ընդհանուր Ժողովի որոշումը
    Բանկի նախորդ տարիների չբաշխված շահույթից 4145463960,00 (չորս միլիարդ հարյուր քառասունհինգ միլիոն չորս հարյուր վաթսուներեք հազար ինը հարյուր վաթսուն) դրամը ձևակերպել, որպես շահութաբաժին և Բանկի մասնակիցներ Ս.Ճզմաչյանի, Ա.Ղազարյանի, Ա.Առաքելյանի և Գ.Վորոնինայի բաժնեմասերին համամասնորեն ուղղել Բանկի կանոնադրական հիմնադրամի ավելացմանը, որի արդյունքում Բանկի փաստացի համալրված կանոնադրական հիմնադրամը կկազմի 4800000000,00 (չորս միլիարդ ութ հարյուր միլիոն) դրամ:
  • 2007թ. գործունեության արդյունքներով շահութաբաժինների վճարման վերաբերյալ`
    Անելիք Բանկ ՓԲԸ մասնակիցների հերթական տարեկան ընդհանուր ժողովի որոշումը
    Բանկի նախորդ տարիների չբաշխված շահույթից 500,000,000.00 (հինգ հարյուր միլիոն) դրամը ձեւակերպել որպես շահութաբաժին եւ Բանկի մասնակիցներ Ս. Ճզմաչյանի, Ա. Ղազարյանի, Ա. Առաքելյանի եւ Գ. Վորոնինայի բաժնեմասերին համամասնորեն ուղղել Բանկի կանոնադրական հիմնադրամի ավելացմանը, որի արդյունքում Բանկի փաստացի համալրված կանոնադրական հիմնադրամը կկազմի 5,300,000,000.00 (հինգ միլիարդ երեք հարյուր միլիոն) դրամ:
  • 2008թ.,2011թ. գործունեության արդյունքներով շահութաբաժիններ չեն վճարվել:
  • Բանկի նշանակալից մասնակիցների և նրանց հետ փոխկապակցված անձանց կողմից բանկից ստացված վարկերի, փոխառությունների և ընդհանուր պարտավորությունների վերաբերյալ տեղեկատվություն
  • Բանկի ղեկավարների և նրանց հետ փոխկապակցված անձանց կողմից բանկից ստացված վարկերի, փոխառությունների և ընդհանուր պարտավորությունների վերաբերյալ տեղեկատվություն

Հայտարարություն տեղեկությունների տրամադրման վերաբերյալ

Անելիք Բանկ ՓԲԸ յուրաքանչյուր մասնակից համաձայն Բանկերի և բանկային գործունեության մասին Հայաստանի Հանրապետության օրենքի 43-րդ հոդվածի 4-րդ մասի իրավունք ունի ստանալու բանկի վերջին տարեկան հաշվետվության և արտաքին աուդիտի եզրակացության պատճենները:

Բանկի տեղաբաշխված քվեարկող բաժնետոմuերի 2%-ին և ավելիին տիրապետող յուրաքանչյուր մաuնակից իրավունք ունի ստանալու Բանկերի և բանկային գործունեության մասին Հայաստանի Հանրապետության օրենքի 43-րդ հոդվածի 4-րդ և 5-րդ մասերով սահմանված տեղեկությունները: Օրենքը կարող եք գտնել` http://www.cba.am/CBA_SITE/downloads/orenk/orenk/orenq2.pdf հասցեում:

Վերը նշված տեղեկությունները բանկը տրամադրում է ԱՆՎՃԱՐ` մասնակցի գրավոր դիմումը ստանալուց երեք աշխատանքային օրվա ընթացքում (փոստային եղանակով տրամադրելու դեպքում` 5 աշխատանքային օրվա ընթացքում): Գրավոր դիմումը կարող է ներկայացվել հետևյալ ձևերով. առձեռն` բանկի գլխամասային գրասենյակում և մասնաճյուղերում, էլեկտրոնային հասցեով` support@anelik.am, կամ փոստով` Անելիք Բանկ ՓԲԸ, Վարդանանց 13 հասցեով:

Հայտարարություն Ֆինանսական համակարգի հաշտարարի որոշումները
վիճարկելու իրավունքից հրաժարվելու մասին

    Սիրելի' հաճախորդ,
Հայտնում ենք Ձեզ, որ Անելիք Բանկ ՓԲԸ-ն հրաժարվել է Ֆինանսական համակարգի հաշտարարի որոշումները վիճարկելու իրավունքից: Դա նշանակում է, որ Անելիք Բանկ ՓԲԸ-ն չի կարող դատական կարգով վիճարկել Ֆինանսական համակարգի հաշտարարի կողմից Անելիք Բանկ ՓԲԸ-ի դեմ կայացված որոշումները:


Էջը թարմացվել է 21.03.2013թ., 15:41