Ոչ առեւտրային վարկեր և վարկային ծրագրեր

Ոչ առևտրային վարկեր և վարկային ծրագրեր

“Անելիք Բանկ” ՓԲԸ-ն սեփական միջոցներով և միջազգային վարկային ծրագրերի շրջանակներում ֆիզիկական անձանց տրամադրում է սպառողական և հիփոթեքային վարկեր:

Հիփոթեքային վարկեր

Հիփոթեքային վարկերը տրամադրվում են ֆիզիկական անձանց` անշարժ գույքի գնման և վերանորոգման նպատակով:

Հիփոթեքային վարկերը տրամադրվում են հետևյալ պայմաններով.

1. Գերմանա-Հայկական Հիմնադրամի բնակարանային ֆինանսավորման ծրագիր

• վարկի առավելագույն գումարը` 12.000.000 ՀՀ դրամ,
• վարկի առավելագույն ժամկետը` 120 ամիս, 
• վարկի տարեկան տոկոսադրույքը` սկսած 13 %-ից, 
• անշարժ գույքի գնման դեպքում առնվազն 30% կանխավճար, 
• անշարժ գույքի ապահովագրություն` տարեկան գնահատված արժեքի մինչև 0.4%-ի չափով, 
• կյանքի ապահովագրություն` տարեկան մինչև 1%-ի չափով, որը հաշվարկվում է վարկի մնացորդի նկատմամբ:

2. “Ազգային Հիփոթեքային Ընկերություն” ՈՒՎԿ ՓԲԸ ֆինանսավորման ծրագիր

• վարկի առավելագույն գումարը` 20.000.000 ՀՀ դրամ, 
• վարկի առավելագույն ժամկետը` 132 ամիս, 
• վարկի տարեկան տոկոսադրույքը` սկսած 13 %-ից, 
• անշարժ գույքի գնման դեպքում առնվազն 30% կանխավճար, 
• անշարժ գույքի ապահովագրություն` տարեկան գնահատված արժեքի մինչև 0.4%-ի չափով, 
• կյանքի ապահովագրություն` տարեկան մինչև 1%-ի չափով, որը հաշվարկվում է վարկի մնացորդի նկատմամբ:

3. “Բնակարաններ երիտասարդներին” ՈՒՎԿ ՓԲԸ ֆինանսավորման ծրագիր

Վարկը տրամադրվում է երիտասարդ ընտանիքներին, որտեղ ամուսինների գումարային տարիքը չի գերազանցում 60 տարին և միաժամանակ նրանցից ոչ մեկինը` 35 տարին: Միայնակ ծնողի դեպքում ծնողի տարիքը չպետք է գերազանցի 30 տարին:

• վարկի առավելագույն գումարը` 11.200.000 ՀՀ դրամ, 
• վարկի առավելագույն ժամկետը` 180 ամիս, 
• վարկի տարեկան տոկոսադրույքը` սկսած 6.5 %-ից, 
• բնակարանի ձեռքբերման արժեքը չի կարող գերազանցել 16 000 000 ՀՀ դրամը և միաժամանակ գնահատված արժեքը` 16.500.000 ՀՀ դրամը 
• անշարժ գույքի գնման դեպքում առնվազն 30% կանխավճար, 
• անշարժ գույքի ապահովագրություն` տարեկան գնահատված արժեքի մինչև 0.4%-ի չափով, 
• կյանքի ապահովագրություն` տարեկան մինչև 1%-ի չափով, որը հաշվարկվում է վարկի մնացորդի նկատմամբ:

4. Բանկի սեփական միջոցներով վարկավորում

• վարկի առավելագույն գումարը` 100.000.000 ՀՀ դրամ կամ համարժեք արտարժույթ, 
• վարկի առավելագույն ժամկետը` 120 ամիս, 
• վարկի տարեկան տոկոսադրույքը` սկսած 12%-ից, 
• անշարժ գույքի գնման դեպքում կանխավճար` սկսած 20%-ից:

Հիփոթեքային վարկերի համար սահմանված է սպասարկման վճար վարկի գումարի 1%-ի չափով:

Վարկի վաղաժամկետ մարման դեպքում գանձվում է տույժ` վարկի մարվող գումարի 1%-ի չափով:

Վարկ ստանալու համար Բանկ ներկայացվող փաստաթղթեր`

• հաճախորդի դիմում,
• հաճախորդի անձը հաստատող փաստաթղթեր (անձնագիր, սոցիալական քարտ) 
• եկամտի մասին տեղեկատվություն (աշխատավարձ և այլն), 
• ծախսերի նախահաշիվ (վերանորոգման դեպքում), 
• գրավադրվող գույքի սեփականության վկայագիր և սեփականությունը հաստատող հիմքեր, 
• բնակության վայրից տեղեկանք 
• այլ անհրաժեշտ փաստաթղթեր:

Սպառողական վարկեր

1. Լոմբարդային վարկեր

“Անելիք Բանկ” ՓԲԸ-ն լոմբարդային վարկեր տրամադրում է միայն ոսկյա իրերի գրավադրմամբ:

• վարկի նվազագույն գումարը` 70.000 ՀՀ դրամ, 
• վարկի ժամկետը` մինչև 12 ամիս, 
• վարկի տարեկան տոկոսադրույքը` 20-22%-ից,

Վարկը մինչև 9 ամիս ներառյալ ժամկետով տրամադրելու դեպքում, չի կարող գերազանցել ոսկյա իրերի գնահատման արժեքի 90%-ը, իսկ 12 ամիս ժամկետով տրամադրման դեպքում` 80%-ը:

Ոսկյա իրերի վրա թանկարժեք քարերի առկայության դեպքում ոսկյա իրերի (առանց թանկարժեք քարերի) դիմաց տրամադրվող վարկի գումարն ավելացվում է թանկարժեք քարերի գնահատված արժեքի մինչև 50%-ի չափով, բայց ոչ ավել քան ոսկյա իրերի (առանց թանկարժեք քարերի) դիմաց տրամադրվող վարկի գումարի 25%-ը: Ընդ որում, առանձին վերցած թանկարժեք քարերի գրրավադրմամբ վարկեր չեն տրամադրվում:

Լոմբարդային վարկ ստանալու համար անհրաժեշտ է Բանկ ներկայացնել անձը հաստատող փաստաթուղթ (անձնագիր և սոցիալական քարտ):

"Լոմբարդային" վարկի տարեկան փաստացի տոկոսադրույքի հաշվարկման օրինակ`

• Վարկի գումարը` 200.000 ՀՀ դրամ,
• Տոկոսադրույքը` 20% տարեկան,
• Ժամկետը` 12 ամիս,
• Վարկի տրամադրման պահին գանձվող միանվագ միջնորդավճար` տրամադրվող վարկի գումարի 0.8%-ի չափով,
• Տարեկան փաստացի տոկոսադրույքը կկազմի 23.01%:

2. Ուսանողական վարկեր

“Անելիք Բանկ” ՓԲԸ-ն տրամադրում է վարկեր Ուսումնական Հաստատություններում սովորող անձանց ուսման վարձերի վճարման նպատակով:

• վարկի առավելագույն գումարը` ուսանողի 1 ուսումնական տարվա վարձի չափով, 
• վարկի առավելագույն ժամկետը` 12 ամիս, 
• վարկի տարեկան տոկոսադրույքը` 22 %, 
• մեկ կամ երկու անձի երաշխավորություն:

Ուսանողական վարկի տրամադրման համար հաճախորդը պետք է Բանկ ներկայացնի հետևյալ փաստաթղթերը.

• անձնագիր, սոցիալական քարտ, 
• տեղեկանք բնակության վայրից, 
• ուսումնական հաստատությունից Ուսանողի ուսման վարձի վճարումն իրականացնելու համար ՀՀ օրենսդրությամբ սահմանված անհրաժեշտ փաստաթուղթ (հաշիվ-ապրանքագիր, փոխանցման հաշիվ և այլն); 
• գույքի սեփականությունը հաստատող փաստաթուղթ և/կամ տեղեկանք աշխատանքի վայրից, որտեղ նշվում է վերջին 6 ամսվա ընթացքում փաստացի ստացված ամսական աշխատավարձը, զբաղեցրած պաշտոնը, կազմակերպության հասցեն և հեռախոսահամարները, 
• ըստ անհրաժեշտության այլ փաստաթղթեր:

"Ուսանողական" վարկի տարեկան փաստացի տոկոսադրույքի հաշվարկման օրինակ`

• Վարկի գումարը` 300.000 ՀՀ դրամ,
• Տոկոսադրույքը` 22% տարեկան,
• Ժամկետը` 12 ամիս,
• Հաշվի բացման վճար` 2000 ՀՀ դրամ,
• Անուիտետատային վճարումներ,
• Վարկի տրամադրման պահին գանձվող միանվագ միջնորդավճար` տրամադրվող վարկի գումարի 1%-ի չափով,
• Տարեկան փաստացի տոկոսադրույքը կկազմի 28.39%:

3. Ավտոմեքենաների ձեռբերման համար տրամադրվող վարկեր

“Անելիք Բանկ” ՓԲԸ-ն ֆիզիկական անձանց տրամադրում է վարկեր առաջնային և երկրորդային շուկաներից ավտոմեքենաների ձեռքբերման նպատակով:

Առաջնային շուկա

• վարկի առավելագույն ժամկետը` 60 ամիս, 
• վարկային հաշվի սպասարկում` 0.3-0.5%, 
• վարկի տարեկան տոկոսադրույքը` սկսած 15 %-ից, 
• կանխավճար` համաձայն համագործակցության պայմանագրի (կամ 20%)

Երկրորդային շուկա

ՌԴ, Չինական և Իրանական արտադրության մեքենա

• վարկի առավելագույն ժամկետը` 36 ամիս, 
• վարկային հաշվի սպասարկում` 0.3-0.5%, 
• վարկի տարեկան տոկոսադրույքը` սկսած 18 %-ից, 
• կանխավճար` առնվազն 50%, 
• արտադրության վաղեմություն` մինչև 5 տարի:

Այլ երկրների արտադրության մեքենա

• վարկի առավելագույն ժամկետը` 60 ամիս, 
• վարկային հաշվի սպասարկում` 0.3-0.5%, 
• վարկի տարեկան տոկոսադրույքը` սկսած 18 %-ից, 
• կանխավճար` առնվազն 30%, 

Վարկառուն կարող է ավտովարկ ստանալ 10 տարուց ավել վաղեմություն ունեցող ավտոմեքենաների համար: Վարկի ժամկետը լրանալուց ավտոմեքենայի տարիքը չպետք է գերազանցի 15 տարին:

Վարկերը տրամադրվում են գնվող ավտոմեքենաների ապահովագրության պայմանով (1.7-2% տարեկան): Ընդ որում, ապահովագրության համար հիմք է ընդունվում ավտոմեքենայի դիմաց տրամադրված վարկի գումարը:

Որպես գրավ է հանդիսանում գնվող ավտոմեքենան: Վարկերը տրամադրվում են երրորդ անձի երաշխավորությամբ:

Ավտովարկերի տարեկան փաստացի տոկոսադրույքի հաշվարկման օրինակ`

• Վարկի գումարը` 5.000.000 ՀՀ դրամ,
• Տոկոսադրույքը` 15% տարեկան /առաջնային շուկա/,
• Ժամկետը` 60 ամիս,
• Հաշվի բացման վճար` 2000 ՀՀ դրամ,
• Անուիտետատային վճարումներ,
• Վարկի տրամադրման պահին գանձվող միանվագ միջնորդավճար` տրամադրվող վարկի գումարի 1%-ի չափով,
• Գրավի գնահատում` 12.000 ՀՀ դրամ,
• Ապահովագրություն` վարկի գումարի տարեկան 2.5%-ի չափով,
• Տարեկան փաստացի տոկոսադրույքը կկազմի 24.28%:

4. Անշարժ գույքի և/կամ ավտոմեքենայի գրավադրմամբ սպառողական վարկեր

“Անելիք Բանկ” ՓԲԸ-ն սպառողական վարկեր տրամադրում է ֆիզիկական անձանց անշարժ գույքի և/կամ ավտոմեքենայի գրավադրմամբ:

• վարկի առավելագույն գումարը` 100 000 000 ՀՀ դրամ, 
• վարկի առավելագույն ժամկետը` 96 ամիս, 
• վարկի տարեկան տոկոսադրույքը` մինչև 24%,

Անշարժ գույքի և/կամ ավտոմեքենայի գրավադրմամբ սպառողական վարկերի տարեկան փաստացի տոկոսադրույքի հաշվարկման օրինակ`

• Վարկի գումարը` 1.000.000 ՀՀ դրամ,
• Տոկոսադրույքը` 18% տարեկան,
• Ժամկետը` 24 ամիս,
• Հաշվի բացման վճար` 2000 ՀՀ դրամ,
• Անուիտետատային վճարումներ,
• Վարկի տրամադրման պահին գանձվող միանվագ միջնորդավճար` տրամադրվող վարկի գումարի 1%-ի չափով,
• Գրավի գնահատում` 20.000 ՀՀ դրամ,
• Ապահովագրությունը ներառված չէ,
• Տարեկան փաստացի տոկոսադրույքը կկազմի 23.60%:

5. ՀՀ Կառավարության տնտեսության կայունության վարկավորման ծրագիր

Ավտոմեքենաների ձեռքբերման վարկեր

• վարկի առավելագույն գումարը` 7.000.000 ՀՀ դրամ, 
• վարկի առավելագույն ժամկետը` 60 ամիս, 
• վարկի տարեկան տոկոսադրույքը` մինչև 15 % 
• կանխավճար` նոր ավտոմեքենաների համար` առնվազն 20%, օգտագործված ավտոմեքենաների համար` առնվազն 40%

Այլ սպառողական վարկեր

• վարկի առավելագույն գումարը` 1 500 000 ՀՀ դրամ,
• վարկի առավելագույն ժամկետը` 18 ամիս,
• վարկի տարեկան տոկոսադրույքը` մինչև 18%:

Այլ սպառողական վարկերի տարեկան փաստացի տոկոսադրույքի հաշվարկման օրինակ`

• տարեկան տոկոսադրույքը` 18%
• տարեկան փաստացի տոկոսադրույքը ֆիքսված է` 19.49%:

6. Ապառիկ կարգով ապրանքների ձեռքբերման վարկեր

“Անելիք Բանկ” ՓԲԸ-ն ֆիզիկական անձանց տրամադրում է վարկեր ապառիկ կարգով ապրանքների ձեռքբերման նպատակով:

• վարկի առավելագույն գումարը` 2 000 000 ՀՀ դրամ, 
• վարկի առավելագույն ժամկետը` 36 ամիս,
• վարկի տարեկան տոկոսադրույքը` 21%, 
• կանխավճար` համաձայն համագործակցության պայմանագրի,

Որպես գրավ հանդիսանում է ձեռքբերվող կամ այլ գույք:

Ապառիկ կարգով ապրանքների ձեռքբերման վարկերի տարեկան փաստացի տոկոսադրույքի հաշվարկման օրինակ`

• Վարկի գումարը` 300.000 ՀՀ դրամ,
• Տոկոսադրույքը` 21% տարեկան,
• Ժամկետը` 24 ամիս,
• Հաշվի բացման վճար` 2000 ՀՀ դրամ,
• Անուիտետատային վճարումներ,
• Վարկի տրամադրման պահին գանձվող միանվագ միջնորդավճար` տրամադրվող վարկի գումարի 1%-ի չափով,
• Տարեկան փաստացի տոկոսադրույքը կկազմի 25.28%:

7. Վճարային քարտերով վարկային գծեր

Վճարային քարտերով վարկային գծերը տրամադրվում են նաև առանց, կամ ոչ լիարժեք գրավային ապահովությամբ:

• վարկային գծի առավելագույն գումարը` 10.000.000 ՀՀ դրամ կամ համարժեք արտարժույթ, 
• վարկային գծի ժամկետը` գործում է մինչև քարտի գործողության ժամկետի ավարտը,
• վարկի տարեկան տոկոսադրույքը` մինչև 24%,
• վարկային գծի զրոյացման առավելագույն ժամկետը` 45 օր է,
• արտոնյալ ժամկետ` 15 օրվա ընթացքում վարկային գիծը զրոյացնելու դեպքում պարտավորության դիմաց տոկոսագումար չի գանձվում, այլ դեպքում տոկոսադրույքը հաշվարկվում է վարկի տրամադրման պահից:

Վարկերի գումարները տրամադրվում են ինչպես կանխիկ, այնպես էլ անկանխիկ եղանակով:

Բանկի կողմից վարկային հայտի վերաբերյալ որոշման կայացման առավելագույն ժամկետը 3 աշխատանքային օր է, իսկ վարկի տրամադրման փաստաթղթերի վերջնական փաթեթը կազմելուց հետո վարկը տրամադրելու առավելագույն ժամկետը 3 աշխատանքային օր է:

Վճարային քարտերով վարկային գծերի տրամադրումը գրավի բացակայությամբ պայմանավորված է միջազգային բանկային պրակտիկայում տվյալ վարկային ծառայության համար ընդունել համարվող հանգամանքներով:

Տրամադրվող վարկերի տարատեսակներն են.

• աշխատավարձային քարտերով տրամադրվող վարկեր, 
• վարկային պատմության հիման վրա տրամադրվող վարկեր, 
• այլ վարկերի հետ զուգահեռ տրամադրվող վարկեր, 
• վարկարժանության գնահատման հիման վրա տրամադրվող վարկեր, 
• հաշվի շրջանառության հիման վրա տրամադրվող վարկեր, 
• բանկի հաճախորդների կամ բանկի ղեկավարների միջնորդությամբ տրամադրվող վարկեր, 
• VIP հաճախորդներին տրամադրվող վարկեր:

Բոլոր տեսակի սպառողական և հիփոթեքային վարկերի համար սահմանված է սպասարկման վճար տրամադրվող վարկի 1%-ի չափով, բացառությամբ լոմբարդային վարկերի, որոնց սպասարկման վճարը կազմում է 0.8%:

Վարկի ընթացքում գրավի առարկային գրավադրումից հանելու կամ փոխարինելու համար գանձվում է միջնորդավճար` 8000 ՀՀ դրամ:

Վարկային պարտավորությունները խախտելու դեպքում վարկառուները բանավոր և գրավոր նախազգուշացվում են, Այնուհետև, անհրաժեշտության դեպքում, դատական կարգով կատարվում է վարկի պարտքի բռնագանձում` այն տարածելով գրավադրված գույքի վրա, իսկ վերջին անբավարարության դեպքում` նաև վարկառուի այլ գույքի վրա:Դատարանի վճիռը կամովին չկատարելու դեպքում կատարվում է գույքի հարկադիր առգրավում և իրացում:

Համաձայն գրավի պայմանագրի պահանջի, հնարավոր է նաև արտադատարանական կարգով գրավադրված գույքի սեփականության իրավունքի փոխանցում բանկին:

Վարկ ստանալու համար բանկ է ներկայացվում հետևյալ փաստաթղթերը.

• դիմում Բանկի վարչության նախագահի (մասնաճյուղի կառավարչի) անվամբ, 
• Վարկի ապահովություն հանդիսացող գրավի սեփականույան իրավունքը հաստատող փաստաթղթեր, կամ հայտարարություն նոտարական գրասենյակումգրավադրվող գույքը դիմորդին պատկանելու և երրորդ անձանց իրավունքներից զերծ լինելու վերաբերյալ, 
• եկամտի մասին տեղեկատվություն (աշխատավարձ և այլն), 
• այլ անհրաժեշտ փաստաթղթեր:

Վարկերի տոկոսադրույքի հաշվարկման ձևը

“Անելիք Բանկ” ՓԲԸ-ում վարկերի տոկոսադրույքները կիրառվում են մայր գումարի մնացորդի նկատմամբ: Վարկերի տոկոսների մարումները կատարվում են ամսական կտրվածքով: Վարկերի մայր գումարի մարումների դեպքում, կախված եկումուտների ստացման յուրահատկությունից հնարավոր է սահմանել անհավասարաչափ բաշխված մարումների գրաֆիկ: Անկախ տրամադրված վարկերի արտարժույթից տոկոսների մարումը կատարվում է միայն ՀՀ դրամով: Արտարժույթով վարկերի տրամադրման դեպքում, վարկերի մարումների վրա կարող են ազդեցություն ունենալ արտարժույթի փոխարժեքի փոփոխությունները:

Տույժերի չափերը

Ժամկետանց պարտքի (վարկ և վարկի տոկոսագումար) դեպքում վարկառուն, յուրաքանչյուր կետանցի օրվա համար վճարում է տուժանք, այդ պարտքի գումարի 0.1-0.2%-ի չափով, իսկ վարկային պայմանագրի դադարեցման դեպքում` դադարեցման օրվանից մինչև պարտքի վերադարձնելու օրը վճարում է այդ պարտքի նկատմամբ հաշվարկված տոկոսներ` տվյալ օրվա դրությամբ ՀՀ Կենտրոնական բանկի կողմից սահմանված բանկային տոկոսի հաշվարկային դրույքով;

Վարկի հասանելիությունը

Առևտրային վարկերի հասանելիության հիմք են հանդիսանում հետևյալ նվազագույն պայմանները.

• համապատասխանություն ծրագրային պահանջներին, 
• կայուն եկամուտ, 
• գրավի առկայություն, եթե այլ բան չի նախատեսվում ծրագրային պահանջներով:

Արտարժույթի ազդեցությունը

Հաշվի առնելով, որ Բանկը տրամադրում է վարկեր ոչ միայն ՀՀ դրամով, այլ նաև արտարժույթով, վարկառուն պետք է գիտակցի, որ արտարժույթի տատանումները կարող են դրական/բացասական ազդեցություն ունենալ վարկի մարումների վրա:

Հայտի մերժում

Այն դիմորդները, որոնք չեն համապատասխանում ծրագրային պահանջներին, կամ Բանկին չի բավարարում հաճախորդի վարկունակությունը չեն կարող վարկավորվել, որի վերաբերյալ հաճախորդի ցանկությամբ Բանկը կարող է տրամադրել գրավոր մերժում: Բանկը պատրաստակամ է սույն մերժման մասին տեղեկությունը հայտնել այլ ՀՀ բանկերին և վարկային կազմակերպություններին (ՀՀ Բանկային գաղտնիք մասին օրենք):

ԶԳՈՒՇԱՑՈՒՄ

ՁԵՐ ԳՈՒՅՔԸ ԿԱՐՈՂ Է ԱՌԳՐԱՎՎԵԼ, ԵԹԵ ԴՈՒՔ ԺԱՄԱՆԱԿԻՆ ՉԿԱՏԱՐԵՔ ՏՈԿՈՍԱԳՈՒՄԱՐՆԵՐԻ ԵՎ ՎԱՐԿԻ ԳՈՒՄԱՐԻ ՄԱՐՈՒՄՆԵՐԸ:

ՁԵՐ ԿՈՂՄԻՑ ՏՈԿՈՍԱԳՈՒՄԱՐՆԵՐԻ ԵՎ ՎԱՐԿԻ ԳՈՒՄԱՐԻ ՄԱՐՈՒՄՆԵՐԸ ԺԱՄԿԵՏԻՆ ՉՎՃԱՐԵԼՈՒ ԴԵՊՔՈՒՄ ՁԵՐ ՄԱՍԻՆ ՏԵՂԵԿԱՏՎՈՒԹՅՈՒՆԸ ԿԳՐԱՆՑՎԻ ՎԱՐԿԱՅԻՆ ՌԵԳԻՍՏՐՈՒՄ:

Վարկառուի կողմից պարտականությունների չկատարման դեպքում գրավի հաշվին պարտավորությունները մարելու դեպքում վարկառուի վարկային պարտավորությունները ծածկելու համար գրավը բավարար չլինելու դեպքում պարտավորությունները կարող են մարվել վարկառուի այլ գույքի հաշվին:

Էջը թարմացվել է 13.10.2011թ. 12:23