Առեւտրային վարկեր եւ վարկային ծրագրեր

Առևտրային վարկեր

"Անելիք Բանկ" ՓԲԸ-ն սեփական միջոցներով և միջազգային վարկային ծրագրերի շրջանակներում տրամադրում է վարկեր իրավաբանական անձանց բիզնեսի զարգացման նպատակով:

Ըստ ծրագրերի` վարկերը տրամադրվում են հետևյալ պայմաններով.

1. Վերակառուցման և Զարգացման Եվրոպական Բանկի (EBRD) փոքր և միջին բիզնեսի զարգացման ծրագիր

• վարկի առավելագույն գումարը` 250.000 Եվրո կամ համարժեք ՀՀ դրամ, ԱՄՆ դոլար, 
• վարկի առավելագույն ժամկետը` 60 ամիս, 
• վարկի տարեկան տոկոսադրույքը` 13-24 %,

2. Վերակառուցման և Զարգացման Եվրոպական Բանկի (EBRD) փոքր և միջին բիզնեսի զարգացման ծրագիր

• վարկի առավելագույն գումարը` 500.000 ԱՄՆ դոլար կամ համարժեք ՀՀ դրամ, Եվրո, 
• վարկի առավելագույն ժամկետը` 60 ամիս, 
• վարկի տարեկան տոկոսադրույքը` 13-24 %,

3. Վերակառուցման և Զարգացման Եվրոպական Բանկի (EBRD) համաֆինանսավորման ծրագիր

• վարկի նվազագույն գումարը` 400.000 եվրո կամ համարժեք ՀՀ դրամ, ԱՄՆ դոլար 
• վարկի առավելագույն գումարը` 5.000.000 եվրո կամ համարժեք ՀՀ դրամ, ԱՄՆ դոլար, 
• վարկի առավելագույն ժամկետը` 60 ամիս, 
• վարկի տարեկան տոկոսադրույքը` սկսած 11 %-ից,

4. Վերակառուցման և Զարգացման Եվրոպական Բանկի (EBRD) կայուն էներգաարդյունավետության ծրագիր

• վարկի առավելագույն գումարը` 2.500.000 ԱՄՆ դոլար կամ համարժեք ՀՀ դրամ, եվրո, 
• վարկի առավելագույն ժամկետը` 60 ամիս, 
• վարկի տարեկան տոկոսադրույքը` սկսած 11 % -ից,
• Ծրագրի շրջանակներում անվճար տեխնիկական աջակցություն է ցուցաբերում ArmSEFF-ը

5. Գերմանա-Հայկական Հիմնադրամի (ԳՀՀ) փոքր և միջին բիզնեսի զարգացման ծրագիր

• վարկի առավելագույն գումարը` 60.000.000 ՀՀ դրամ 
• վարկի առավելագույն ժամկետը` 60 ամիս, 
• վարկի տարեկան տոկոսադրույքը` 13-24 %,

6. ՀՀ Կառավարության տնտեսության կայունացման վարկավորման ծրագիր

• վարկի առավելագույն գումարը` 500.000.000 ՀՀ դրամ, 
• վարկի առավելագույն ժամկետը` 60 ամիս, 
• վարկի տարեկան տոկոսադրույքը` մինչև 15 %,

7. Փոքր և միջին ձեռնարկատիրության զարգացման ազգային կենտրոնի (ՓՄՁ ԶԱԿ) ծրագիր

Վարկերը տրամադրվում են տնտեսական ցածր ակտիվությամբ առանձնացող բնակավայրերում և շրջաններում (բացառությամբ եթե գործունեությունն իրենից ներկայացնում է նորարարություն), սահմանամերձ և գյուղական բնակավայրերում, աղետի գոտում, գիտավաններում գործող արտադրության կամ ծառայության ոլորտների համար, գրավի անբավարարության և ցածր իրացվելիության առկայության դեպքում:

• վարկի առավելագույն գումարը` 45.000.000 ՀՀ դրամ, 
• վարկի առավելագույն ժամկետը` 36 ամիս, 
• վարկի տարեկան տոկոսադրույքը` մինչև 15 %,

ՓՄՁ ԶԱԿ-ը կարող է երաշխավորել վարկի հիմնական գումարի մինչև 70%-ը, որը գումարային արտահայտությամբ չի կարող գերազանցել 10.000.000 ՀՀ դրամը:

8. Գյուղական ձեռնարկատիրության և փոքրածավալ առևտրային գյուղատնտեսության զարգացման ծրագիր

Ծրագրի շրջանակներում բանկը տրամադրում է վարկեր ֆիզիկական և իրավաբանական այն անձանց, որոնք ներգրավված են կամ մտադրություն ունեն ներգրավվել ՀՀ տարածքում գյուղատնտեսական գործունեության մեջ:

• վարկի առավելագույն գումարը` 150.000 ԱՄՆ դոլար կամ համարժեք ՀՀ դրամ, 
• վարկի առավելագույն ժամկետը` 84 ամիս, 
• վարկի տարեկան տոկոսադրույքը` մինչև 15 %,

9. Գյուղական տարածքների տնտեսական զարգացման ծրագիր

Ծրագրի շրջանակներում բանկը տրամադրում է վարկեր ֆիզիկական և իրավաբանական այն անձանց, որոնք ներգրավված են կամ մտադրություն ունեն ներգրավվել Շիրակ, Լոռի, Տավուշ, Գեղարքունիք, Վայոց Ձոր, Սյունիք և Արագածոտն մարզերում գյուղատնտեսական գործունեության մեջ:

• վարկի առավելագույն գումարը` 150.000 ԱՄՆ դոլար, 
• վարկի առավելագույն ժամկետը` 84 ամիս, 
• վարկի տարեկան տոկոսադրույքը` մինչև 15 %,

10. ՀԱՀԿ-ի Թրփանջյան ծրագիր

ՀԱՀԿ-ի Թրփանջյան ծրագրի շրջանակներում վարկերը տրամադրվում են ՀԱՀԿ-ի կողմից նշված անձանց:

• վարկի առավելագույն գումարը` 10.000 ԱՄՆ դոլարին համարժեք ՀՀ դրամ, 
• վարկի առավելագույն ժամկետը` 36 ամիս, 
• վարկի տարեկան տոկոսադրույքը` 6 %,

Սույն ծրագրի շրջանակներում վարկերը տրամադրվում են բացառապես Շիրակի և Տավուշի մարզերում առանց գրավադրման: Սույն վարկերի գծով սպասարկման վճար չի գանձվում:

11. Զարգացման Բանկի (KFW) Վերականգվող էներգիայի զարգացման ծրագիր

Վարկերը տրամադրվում են հիդրոէլեկտրակայանների զարգացման համար:

• վարկի առավելագույն գումարը` 350.000.000 ՀՀ դրամ, 
• վարկի առավելագույն ժամկետը` 120 ամիս, 
• վարկի տարեկան տոկոսադրույքը` 10.5 %,

12. Լիբանանյան Կրեդիտ Բանկի Համաֆինանսավորման ծրագիր

• վարկի նվազագույն գումարը` 500.000.000 ՀՀ դրամ կամ համարժեք արտարժույթ, 
• վարկի առավելագույն գումարը` 10.000.000.000 ՀՀ դրամ, 
• վարկի առավելագույն ժամկետը` 120 ամիս, 
• վարկի տարեկան տոկոսադրույքը` մինչև 20 %,

13. Ձեռնարկատիրության զարգացման վարկեր, օվերդրաֆտներ, քարտային վարկեր

• վարկի առավելագույն գումարը` 2.500.000.000 ՀՀ դրամ կամ համարժեք արտարժույթ, 
• վարկի առավելագույն ժամկետը` 120 ամիս, 
• վարկի տարեկան տոկոսադրույքը` մինչև 22 %,

14. Երաշխիքային նամակ

"Անելիք Բանկ" ՓԲԸ-ն տրամադրում է երաշխիքային նամակներ իրավաբանական անձանց և անհատ ձեռնարկատերերին անշարժ և շարժական գույքի, ոսկյա զարդերի և ոսկու ձուլակտորների, սարքավորումների և դրամական միջոցների գրավադրմամբ: Երաշխիքի դիմաց գանձվում է միջնորդավճար 2.5% տարեկան տոկոսադրույքով, բայց ոչ պակաս քան 10.000 ՀՀ դրամ:

Սահմանված առավելագույն տոկոսադյուրքը ՀՀ Կենտրոնական բանկի կողմից սահմանված "Բանկային տոկոսի հաշվարկային դրույքի" կրկնապատիկը գերազանցելու դեպքում կիրառվում է առավելագույնը "Բանկային տոկոսի հաշվարկային դրույքի" կրկնապատիկը:

Առանձին դեպքում վերոհիշյալ պայմանները կարող են փոփոխվել Բանկի որոշմամբ, եթե դրանք չեն հակասում գործող նորմատիվային ակտերի և ծրագրային պահանջներին:

Առևտրային վարկերի համար սահմանված են հետևյալ սպասարկման վճարները.

Վարկի գումար Սպասարկման վճար

 Վարկի ընթացքում գրավի առարկային գրավադրումից հանելու կամ փոխարինելու համար գանձվում է միջնորդավճար` 8000 ՀՀ դրամ:

Առևտրային վարկերը տրամադրվում են պարտադիր գրամադրմամբ, եթե այլ բան չի նախատեսված ծրագրային պահանջներով:

Որպես գրավի առարկա ընդունվում է.

• անշարժ գույք` գրավատուի սեփականության իրավունքով պատկանող հող, շենքեր, շինություններ, սեփական բնակարաններ, առանձնատներ, 
• հիմնական միջոցներ, 
• շրջանառու միջոցներ, 
• ավտոմեքենա, 
• թանկարժեք մետաղներ, 
• դրամական միջոցներ:

Վարկային պարտավորությունները խախտելու դեպքում վարկառուները բանավոր և գրավոր նախազգուշացվում են, Այնուհետև, անհրաժեշտության դեպքում, դատական կարգով կատարվում է վարկի պարտքի բռնագանձում` այն տարածելով գրավադրված գույքի վրա, իսկ վերջին անբավարարության դեպքում` նաև վարկառուի այլ գույքի վրա: Դատարանի վճիռը կամովին չկատարելու դեպքում կատարվում է գույքի հարկադիր առգրավում և իրացում:

Համաձայն գրավի պայմանագրի պահանջի, հնարավոր է նաև արտադատարանական կարգով գրավադրված գույքի սեփականության իրավունքի փոխանցում բանկին:

Վարկ ստանալու համար բանկ է ներկայացվում հետևյալ փաստաթղթերը.

Իրավաբանական անձանց կողմից

• դիմում Բանկի վարչության նախագահի (մասնաճյուղի կառավարչի) անվամբ, 
• պետռեգիստրի վկայական, 
• հիմնադիր պայմանագիր, 
• կանոնադրություն 
• ֆինանսական հաշվետվություններ, 
• տեղեկանք հարկային տեսչությունից պարտքերի վերաբերյալ, 
• հիմնադիր անդամների ընդհանուր ժողովի արձանագրություն, ունեցվածքը "Անելիք Բանկ" ՓԲԸ-ում գրավադրելու և վարկ վերցնելու վերաբերյալ, 
• դեբիտորների և կրեդիտորների ցուցակ, 
• սեփականության վկայագրի և հիմքերի պատճենները, 
• տեղեկանք պետռեգիստրից փայատերերի վերաբերյալ, 
• տնօրենի նշանակման հրամանից քաղվածք, 
• տեղեկանք կադաստրից գույքը կալանքի տակ չլինելու մասին, 
• բնակարան գրավադրելու դեպքում տեղեկան ԲՇՏ-ից, 
• սարքավորումներ գրավադրելու դեպքում` դրանց անձնագրերը, 
• ավտոմեքենաների գրավադրման դեպքում նրանց տեխ.անձնագիր, 
• այլ անհրաժեշտ փաստաթղթեր,

Ֆիզիկական անձանց կողմից

• դիմում Բանկի վարչության նախագահի (մասնաճյուղի կառավարչի) անվամբ, 
• Վարկի ապահովություն հանդիսացող գրավի սեփականության իրավունքը հաստատող փաստաթղթեր, կամ հայտարարություն նոտարական գրասենյակում գրավադրվող գույքը դիմորդին պատկանելու և երրորդ անձանց իրավունքներից զերծ լինելու վերաբերյալ, 
• եկամտի մասին տեղեկատվություն (աշխատավարձ և այլն), 
• այլ անհրաժեշտ փաստաթղթեր:

Միջազգային ծրագրային վարկերով չեն վարկավորվում հետևյալ գործունեությունները.

• զենքի և զինամթերքի արտադրություն կամ դրանց վաճառք, 
• կաշվի և կենդանիների մորթու արտադրություն կամ դրանց վաճառք (ոչ թե կաշվե իրերի արտադրություն), 
• ծխախոտի արտադրություն, 
• ոգելից խմիչքների արտադրություն, 
• խաղատներ, արտարժույթային սպեկուլյացիա, 
• որևէ տիպի արժեթղթերի մեջ ներդրումներ, 
• այն ծրագրերը, որոնք կարող են ունենալ որևէ բացասական ազդեցություն շրջակա միջավայրի` մթնոլորտի, օդի, ջրի, հողի, բուսականության և կենդանի աշխարհի վրա:

Վարկերի տոկոսադրույքի հաշվարկման ձևը

"Անելիք Բանկ" ՓԲԸ-ում վարկերի տոկոսադրույքները կիրառվում են մայր գումարի մնացորդի նկատմամբ: Վարկերի տոկոսների մարումները կատարվում են ամսական կտրվածքով: Վարկերի մայր գումարի մարումների դեպքում, կախված բիզնեսի յուրահատկությունից հնարավոր է սահմանել անհավասարաչափ բաշխված մարումների գրաֆիկ: Անկախ տրամադրված վարկերի արտարժույթից տոկոսների մարումը կատարվում է միայն ՀՀ դրամով: Արտարժույթով վարկերի տրամադրման դեպքում, վարկերի մարումների վրա կարող են ազդեցություն ունենալ արտարժույթի փոխարժեքի փոփոխությունները:

Վարկերի վաղաժամկետ մարման պայմանները

Վարկառուն իրավունք ունի վարկային պայմանագրով սահմանված ժամկետներից շուտ մարել վարկը և դրա դիմաց հաշվարկված փաստացի տոկոսագումարը: 35.000.000 ՀՀ դրամից կամ համարժեք արտարժույթից ավելի վարկերի վաղաժամկետ մարման դեպքում (բացառությամբ ֆիզիկական անձանց տրամադրված վարկերի) գանձվում է տույժ` մարվող գումարի նկատմամբ վարկի տարեկան տոկոսադրույքով հաշվարկված 2 (երկու) ամսվա տոկոսագումարի չափով:

Տույժերի չափերը

Ժամկետանց պարտքի (վարկ և վարկի տոկոսագումար) դեպքում վարկառուն, յուրաքանչյուր ժամկետանց օրվա համար վճարում է տուգանք, այդ պարտքի գումարի 0.1-0.2%-ի չափով, իսկ վարկային պայմանագրի դադարեցման դեպքում` դադարեցման օրվանից մինչև պարտքի վերադարձնելու օրը վճարում է այդ պարտքի նկատմամբ հաշվարկված տոկոսներ` տվյալ օրվա դրությամբ ՀՀ Կենտրոնական բանկի կողմից սահմանված բանկային տոկոսի հաշվարկային դրույքով:

Վարկի հասանելիությունը

Առևտրային վարկերի հասանելիության հիմք են հանդիսանում հետևյալ նվազագույն պայմանները.

• համապատասխանություն ծրագրային պահանջներին, 
• առնվազն 3 ամսվա եկամտաբեր գործունեություն կամ խելամիտ բիզնես ծրագիր, 
• գրավի առկայություն, եթե այլ բան չի նախատեսվում ծրագրային պահանջներով:

Արտարժույթի ազդեցությունը

Հաշվի առնելով, որ Բանկը տրամադրում է վարկեր ոչ միայն ՀՀ դրամով, այլ նաև արտարժույթով, վարկառուն պետք է գիտակցի, որ արտարժույթի տատանումները կարող են դրական/բացասական ազդեցություն ունենալ վարկի մարումների վրա:

Հայտի մերժում

Այն դիմորդները, որոնք չեն համապատասխանում ծրագրային պահանջներին, կամ Բանկին չի բավարարում հաճախորդի վարկունակությունը չեն կարող վարկավորվել, որի վերաբերյալ հաճախորդի ցանկությամբ Բանկը կարող է տրամադրել գրավոր մերժում: Բանկը պատրաստակամ է սույն մերժման մասին տեղեկությունը հայտնել այլ ՀՀ բանկերին և վարկային կազմակերպություններին (ՀՀ Բանկային գաղտնիք մասին օրենք):

ԶԳՈՒՇԱՑՈՒՄ

ՁԵՐ ԳՈՒՅՔԸ ԿԱՐՈՂ Է ԱՌԳՐԱՎՎԵԼ, ԵԹԵ ԴՈՒՔ ԺԱՄԱՆԱԿԻՆ ՉԿԱՏԱՐԵՔ ՏՈԿՈՍԱԳՈՒՄԱՐՆԵՐԻ ԵՎ ՎԱՐԿԻ ԳՈՒՄԱՐԻ ՄԱՐՈՒՄՆԵՐԸ:

ՁԵՐ ԿՈՂՄԻՑ ՏՈԿՈՍԱԳՈՒՄԱՐՆԵՐԻ ԵՎ ՎԱՐԿԻ ԳՈՒՄԱՐԻ ՄԱՐՈՒՄՆԵՐԸ ԺԱՄԿԵՏԻՆ ՉՎՃԱՐԵԼՈՒ ԴԵՊՔՈՒՄ ՁԵՐ ՄԱՍԻՆ ՏԵՂԵԿԱՏՎՈՒԹՅՈՒՆԸ ԿԳՐԱՆՑՎԻ ՎԱՐԿԱՅԻՆ ՌԵԳԻՍՏՐՈՒՄ:

Վարկառուի կողմից պարտականությունների չկատարման դեպքում գրավի հաշվին պարտավորությունները մարելու դեպքում վարկառուի վարկային պարտավորությունները ծածկելու համար գրավը բավարար չլինելու դեպքում պարտավորությունները կարող են մարվել վարկառուի այլ գույքի հաշվին:

Էջը թարմացվել է 13.10.2011թ. 11:40