ArCa պլաստիկ քարտեր

«Անելիք Բանկ» ՓԲԸ  ArCa պլաստիկ քարտերի
Տեղեկատվական ամփոփագիր

«Անելիք Բանկ» ՓԲԸ Գլխամասային Բանկի և Բանկի մասնաճյուղերի կողմից ArCa Classic և ArCa Gold տեսակի պլաստիկ քարտերի տրամադրման և սպասարկման, ինչպես նաև քարտային հաշիվների սպասարկման հիմնական պայմաններն են`  
 ArCa Classic և ArCa Gold տեսակի հաշվարկային (դեբետային) կամ վարկային (կրեդիտային) պլաստիկ քարտերը տրամադրվում են ռեզիդենտ և ոչ ռեզիդենտ ֆիզիկական անձանց:
Քարտը հաճախորդին տրամադրվում է քարտի տրամադրման դիմումը Բանկ ներկայացնելուց և սպասարկման պայմանագիրը ստորագրելուց հետո 2 աշխատանքային օրվա ընթացքում: Տրամադրման պահից քարտն ակտիվ է և կարող է օգտագործվել հաճախորդի կողմից:
Քարտի հետ հաճախորդին տրամադրվում է նաև հատուկ ծածկագիր (PIN-կոդ) պարունակող ծրար: PIN-կոդը պետք է օգտագործի միայն հաճախորդը, ինչպես նաև հաճախորդը պարտավոր է ապահովել PIN-կոդի հասանելիության անհնարինությունը այլ անձանց: Խորհուրդ չի տրվում PIN-կոդ պահպանել պլաստիկ քարտի հետ միասին:
Քարտերը տրամադրվում են 2 տարի գործողության ժամկետով: Քարտի ժամկետի լրանալուց 30 օր առաջ քարտատիրոջ կողմից քարտի սպասարկման դադարեցման մասին գրավոր դիմում չստանալու դեպքում Բանկի կողմից քարտը վերաթողարկվում է` ևս 2 տարի գործողության ժամկետով: Քարտային հաշվի արժույթը ՀՀ դրամն է: 

Հաշվի քաղվածքը ստանալուց 15-օրյա ժամկետում հաշվի հետ կապված գործառնություններում անճշտություններ հայտնաբերելու դեպքում հաճախորդը Բանկին կարող է ներկայացնել բողոքարկում: Նշված ժամանակահատվածում բողոքարկումներ չստանալու դեպքում Բանկը քաղվածքը համարում է ընդունված: Բողոքարկումը ներկայացվում է Բանկին գրավոր դիմումի տեսքով: Սահմանված ժամկետում ստացված բողոքարկման դիմումը Բանկն ընդունում է կատարման, իրականացնելով ArCa վճարային համակարգի կանոններով սահմանված համապատասխան գործողությունները:
Քարտի կորստի դեպքում հաճախորդը պետք է հնարավորինս սեղմ ժամկետում` հեռախոսակապի միջոցով, տեղյակ պահի Բանկին և/կամ ՙԱրմենիանՔարդ՚ պրոցեսինգային կենտրոնին: Հաճախորդի կողմից քարտի կորստի մասին հեռախոսակապի միջոցով հայտնելու պահին քարտով գործարքների իրականացումը անմիջապես կկասեցվի: Քարտի գործողության կասեցումից հետո հաճախորդը պետք է 5-օրյա ժամկետում այցելի Բանկ և ներկայացնի քարտի կորստի մասին գրավոր դիմում, որի հիման վրա Բանկը հաճախորդին 2 աշխատանքային օրվա ընթացքում կտրամադրի նոր քարտ:
Ժամկետից շուտ քարտի սպասարկման դադարեցվում և քարտային հաշիվը փակվում է քարտատիրոջ գրավոր դիմումի համաձայն: Քարտային հաշվի մնացորդը վերադարձվում է հաճախորդին: Քարտը ենթակա է վերադարձման Բանկ: 

Քարտերի տրամադրման և սպասարկման սակագներն են`

Ծառայություններ	ArCa Classic	ArCa Gold
Քարտի տրամադրում (թողարկում) 2-5 բանկային օրվա ընթացքում	անվճար	անվճար
Քարտի շտապ տրամադրման համար սպասարկման վճար (մեկ բանկային օրվա ընթացքում)	3000 ՀՀ դրամ	5000 ՀՀ դրամ
Քարտային հաշվի բացում	անվճար	անվճար
Քարտի սպասարկման տարեկան վճար	2000 ՀՀ դրամ	5000 ՀՀ դրամ
Ժամկետը լրացած քարտերի վերաթողարկում	անվճար
Չնվազող մնացորդ	2000 ՀՀ դրամ	40000 ՀՀ դրամ
Կից քարտի տրամադրում	անվճար	անվճար
Կցված քարտի սպասարկման տարեկան վճար	2000 ՀՀ դրամ	5000 ՀՀ դրամ
Վնասված, շահագործման ոչ ենթակա քարտի կրկնօրինակի տրամադրում գործողության նույն ժամանակահատվածով	2000 ՀՀ դրամ	5000 ՀՀ դրամ
Քարտի արգելափակում	անվճար	անվճար
Քարտի ապաարգելափակում	1000 ՀՀ դրամ	1000 ՀՀ դրամ
Կորցրած, գողացած քարտի կամ PIN կոդի դեպքում քարտի կրկնօրինակի տրամադրում գործողության նույն ժամանակահատվածով	2000 ՀՀ դրամ	5000 ՀՀ դրամ
Քարտային հաշվի քաղվածքի ամենամսյա տրամադրում Բանկում կամ փոստի, e-mail-ի միջոցով	անվճար	անվճար
Քարտային հաշվի քաղվածքի լրացուցիչ տրամադրում Բանկում կամ փոստի, e-mail-ի միջոցով	500 ՀՀ դրամ	500 ՀՀ դրամ
SMS ծառայության միացում	անվճար	անվճար
Վճար յուրաքանչյուր SMS-ի համար	35 ՀՀ դրամ	35 ՀՀ դրամ
Քարտային հաշվի համալրում	անվճար	անվճար
Քարտային հաշվի շտապ համալրում	5000 ՀՀ դրամ	5000 ՀՀ դրամ
Միջնորդավճար քարտով բանկի բանկոմատներից և կանխիկացման կետերից կանխիկի տրամադրման համար	0.2%	0.5%
Միջնորդավճար այլ բանկերի կանխիկացման կետերից կանխիկի տրամադրման համար	0.8%	1%
Միջնորդավճար քարտային հաշվին առկա միջոցները Բանկում առանց քարտի կանխիկացնելու համար	0.5%	0.5%
Միջնորդավճար բանկի կողմից տրամադրված մի քարտից մյուսին ինտերնետով փոխանցման ժամանակ	0.4%	0.4%
Միջնորդավճար բանկի կողմից տրամադրված քարտով այլ բանկերի քարտերին ինտերնետով փոխանցման ժամանակ	0.5%	0.5%
Անկանխիկ գործարքների իրականացում	անվճար	անվճար
Կանխիկացման օրեկան սահմանաչափ դրամային հաշվի դեպքում	300,000 ՀՀ դրամ	1,000,000 ՀՀ դրամ
Միջնորդավճար սահմանաչափերի ժամանակավոր վերանայման համար	1000 ՀՀ դրամ	1000 ՀՀ դրամ
Քարտային հաշվի դրական մնացորդին հաշվարկվող տարեկան պարզ տոկոսադրույք (Բանկում սահմանված ցպահանջ ավանդին հաշվարկվող տարեկան պարզ տոկոսադրույք)	2%	2%
Ցպահանջ ավանդի տարեկան տոկոսային եկամտաբերություն	1.82%	1.82%
Վարկային գծի, օվերդրաֆտի օգտագործած գումարների դիմաց հաշվարկվող տոկոսադրույքները սահմանվում են «Անելիք Բանկ» ՓԲԸ Վարչության որոշումներով
Քարտային հաշվի փակումը անվճար

 * Կազմակերպությունների հետ աշխատավարձային քարտերի տրամադրման և սպասարկման սակագները սահմանվում են առանձին` համապատասխան պայմանագրերով: 
Օգտագործված վարկային միջոցների մարման համար սահմանվում է 15 օր` օգտագործման օրվանից, արտոնյալ ժամանակահատվածը: Օգտագործված վարկային միջոցների և դրա դիմաց հաշվարկված տոկոսագումարի ամբողջությամբ մարման համար սահմանվում է 45 օր` օգտագործման օրվանից: Արտոնյալ ժամկետում օգտագործված միջոցները չմարելու դեպքում տոկոսները հաշվարկվում են օգտագործման օրվանից սկսած մինչև պարտավորության փաստացի կատարման օրը: 
Բանկն իրավունք ունի միակողմանիորեն փոփոխել հաշվում եղած դրամական միջոցների համար վճարվող տոկոսների չափը` դրանք ուժի մեջ մտնելուց 15 օր առաջ տեղեկացնելով քարտատիրոջը: 
Բանկին վերապահված է հաշվում եղած դրամական միջոցների դիմաց ստացված տոկոսներից օրենքով սահմանված կարգով եկամտահարկը (10%) հաշվելու և վճարելու հարկային գործակալի իրավունք: 
Բանկի եւ հաճախորդի միջեւ ծագած վեճերը կարգավորվում են կողմերի միջև բանակցությունների միջոցով: 
Կողմերի միջև ծագած վեճերը կարող են լուծվել ֆինանսական համակարգի հաշտարարի միջոցով (ՙֆինանսական համակարգի հաշտարարի մասին՚ ՀՀ օրենքով սահմանված կարգով), կամ առևտրային արբիտրաժում (ՙԱռևտրային արբիտրաժի մասին՚ ՀՀ օրենքով սահմանված կարգով) :

            Տոկոսների հաշվարկման օրինակ.

Ներդրվող ավանդի սկզբնական գումար`                            1.000.000 ՀՀ դրամ
Ավանդի տարեկան պարզ տոկոսադրույք`                          2 %
Ավանդի ներդրման ժամկետ`                                                  12 ամիս
Ավանդի տարեկան տոկոսային եկամտաբերություն`     1.82 % (ավանդի տոկոսների կապիտալացման դեպքում)

Ամսական վճարվող տոկոսներ`
1.000.000 X 2%/365 X 30(31) = 1644 ՀՀ դրամ (առանց հարկման) 
1644 – 1644 X 10 % = 1480 ՀՀ դրամ (զուտ եկամուտ) 

Ավանդի վերջնական գումար` 
1.000.000 + 1480 X 12 = 1.017.760 ՀՀ դրամ (հարկված) 
Ավանդի տոկոսների կապիտալացման դեպքում.
Ավանդի վերջնական գումար`    1.018.150 ՀՀ դրամ (հարկված)

Էջը թարմացվել է 23.02.2011թ., 11:56