Հիփոթեքային վարկերը տրամադրվում են ֆիզիկական անձանց `անշարժ գույքի գնման եւ վերանորոգման նպատակով:

Հիփոթեքային վարկերը տրամադրվում են հետեւյալ պայմաններով.

1. Գերմանա - Հայկական Հիմնադրամի բնակարանային ֆինանսավորման ծրագիր

• վարկի առավելագույն գումարը `12.000.000 ՀՀ դրամ,
• վարկի նվազագույն գումար սահմանված չէ,
• վարկի առավելագույն ժամկետը `120 ամիս,
• վարկի նվազագույն ժամկետ սահմանված չէ,
• վարկի տարեկան տոկոսադրույքը `սկսած 13% - ից,
• անշարժ գույքի գնման դեպքում առնվազն 30% կանխավճար,
• անշարժ գույքի ապահովագրություն` անշարժ գույքի գնահատված արժեքի տարեկան սկսած 0.16%-ի չափով,
• կյանքի ապահովագրություն` վարկի գումարի (իսկ հետագայում վարկի մնացորդի) տարեկան սկսած 0.16%-ի չափով, 
• վարկ/գրավ հարաբերակցությունը առավելագույնը` 70%:

2. «Ազգային Հիփոթեքային Ընկերություն» ՈՒՎԿ ՓԲԸ ֆինանսավորման ծրագիր

• վարկի առավելագույն գումարը `20.000.000 ՀՀ դրամ,
• վարկի նվազագույն գումար սահմանված չէ,
• վարկի առավելագույն ժամկետը `132 ամիս
• վարկի նվազագույն ժամկետ սահմանված չէ, 
• վարկի տարեկան տոկոսադրույքը `սկսած 13% - ից,
• անշարժ գույքի գնման դեպքում առնվազն 30% կանխավճար,
• անշարժ գույքի ապահովագրություն` անշարժ գույքի գնահատված արժեքի տարեկան սկսած 0.16%-ի չափով,
• կյանքի ապահովագրություն` վարկի գումարի (իսկ հետագայում վարկի մնացորդի) տարեկան սկսած 0.16%-ի չափով,
• վարկ/գրավ հարաբերակցությունը առավելագույնը` 70%:

3. «Բնակարաններ երիտասարդներին» ՈՒՎԿ ՓԲԸ ֆինանսավորման ծրագիր

Վարկը տրամադրվում է երիտասարդ ընտանիքներին, որտեղ ամուսինների գումարային տարիքը չի գերազանցում 60 տարին եւ միաժամանակ նրանցից ոչ մեկինը `35 տարին: Միայնակ ծնողի դեպքում ծնողի տարիքը չպետք է գերազանցի 30 տարին:

• վարկի առավելագույն գումարը `11.200.000 ՀՀ դրամ,
• վարկի նվազագույն գումար սահմանված չէ,
• վարկի առավելագույն ժամկետը `180 ամիս
• վարկի նվազագույն ժամկետ սահմանված չէ, 
• վարկի տարեկան տոկոսադրույքը` սկսած 6.5% - ից,
• բնակարանի ձեռքբերման արժեքը չի կարող գերազանցել 16.000.000 ՀՀ դրամը և միաժամանակ գնահատված արժեքը`16.500.000 ՀՀ դրամը
• անշարժ գույքի գնման դեպքում առնվազն 30% կանխավճար,
• անշարժ գույքի ապահովագրություն` անշարժ գույքի գնահատված արժեքի տարեկան սկսած 0.16%-ի չափով,
• կյանքի ապահովագրություն` վարկի գումարի (իսկ հետագայում վարկի մնացորդի) տարեկան սկսած 0.16%-ի չափով,
• վարկ/գրավ հարաբերակցությունը առավելագույնը` 70%: 

4. Բանկի սեփական միջոցներով վարկավորում

• վարկի առավելագույն գումարը `100.000.000 ՀՀ դրամ կամ համարժեք արտարժույթ:
• վարկի նվազագույն գումար սահմանված չէ,
• վարկի առավելագույն ժամկետը `120 ամիս
• վարկի նվազագույն ժամկետ սահմանված չէ, 
• վարկի տարեկան տոկոսադրույքը `սկսած 12% - ից,
• անշարժ գույքի գնման դեպքում կանխավճար `սկսած 20% - ից:
• վարկ/գրավ հարաբերակցությունը առավելագույնը` 80%:
Հիփոթեքային վարկերի համար սահմանված է սպասարկման վճար վարկի գումարի 1% - ի չափով,
Վարկի վաղաժամկետ մարման դեպքում գանձվում է տույժ `վարկի մարվող գումարի 1% - ի չափով:

Վարկ ստանալու համար Բանկ ներկայացվող փաստաթղթեր `

• հաճախորդի անձը հաստատող փաստաթղթեր (անձնագիր, սոցիալական քարտ)
• եկամտի մասին տեղեկատվություն (աշխատավարձ եւ այլն),
• ծախսերի նախահաշիվ (վերանորոգման դեպքում),
• գրավադրվող գույքի սեփականության վկայական եւ սեփականությունը հաստատող հիմքեր,
• բնակության վայրից տեղեկանք
• այլ անհրաժեշտ փաստաթղթեր:

Տոկոսագումարների հաշվարկման կարգ

Բոլոր տեսակի սպառողական եւ հիփոթեքային վարկերի համար սահմանված է սպասարկման վճար տրամադրվող վարկի 1% - ի չափով, բացառությամբ լոմբարդային վարկերի, որոնց սպասարկման վճարը կազմում է 0.9%:

Վարկի ընթացքում գրավի առարկային գրավադրումից հանելու կամ փոխարինելու համար գանձվում է միջնորդավճար `8000 ՀՀ դրամ:

Վարկային պարտավորությունները խախտելու դեպքում վարկառուները բանավոր եւ գրավոր նախազգուշացվում են, Այնուհետեւ, անհրաժեշտության դեպքում, դատական ​​կարգով կատարվում է վարկի պարտքի բռնագանձում `այն տարածելով գրավադրված գույքի վրա, իսկ վերջին անբավարարության դեպքում` նաեւ վարկառուի այլ գույքի վրա: Դատարանի վճիռը կամովին չկատարելու դեպքում կատարվում է գույքի հարկադիր առգրավում եւ իրացում:

Համաձայն գրավի պայմանագրի պահանջի, հնարավոր է նաեւ արտադատարանական կարգով գրավադրված գույքի սեփականության իրավունքի փոխանցում բանկին:

Վարկերի տոկոսադրույքի հաշվարկման ձեւը

"Անելիք Բանկ" ՓԲԸ - ում վարկերի տոկոսադրույքները կիրառվում են մայր գումարի մնացորդի նկատմամբ: Վարկերի տոկոսների մարումները կատարվում են ամսական կտրվածքով: Վարկերի մայր գումարի մարումների դեպքում, կախված եկումուտների ստացման յուրահատկությունից հնարավոր է սահմանել անհավասարաչափ բաշխված մարումների գրաֆիկ: Անկախ տրամադրված վարկերի արտարժույթից տոկոսների մարումը կատարվում է միայն ՀՀ դրամով: Արտարժույթով վարկերի տրամադրման դեպքում, վարկերի մարումների վրա կարող են ազդեցություն ունենալ արտարժույթի փոխարժեքի փոփոխությունները:

Տույժերի չափերը

Ժամկետանց պարտքի (վարկ եւ վարկի տոկոսագումար) դեպքում վարկառուն, յուրաքանչյուր կետանցի օրվա համար վճարում է տուժանք, այդ պարտքի գումարի 0.1-0.2% - ի չափով, իսկ վարկային պայմանագրի դադարեցման դեպքում `դադարեցման օրվանից մինչեւ պարտքի վերադարձնելու օրը վճարում է այդ պարտքի նկատմամբ հաշվարկված տոկոսներ` տվյալ օրվա դրությամբ ՀՀ Կենտրոնական բանկի կողմից սահմանված բանկային տոկոսի հաշվարկային դրույքով;

Վարկի վաղաժամկետ մարում

Վարկի վաղաժամկետ մարման դեպքում գանձվում է տույժ` վաղաժամկետ   մարվող  գումարի  1% չափով:

Արտարժույթի ազդեցությունը

Հաշվի առնելով, որ Բանկը տրամադրում է վարկեր ոչ միայն ՀՀ դրամով, այլ նաեւ արտարժույթով, վարկառուն պետք է գիտակցի, որ արտարժույթի տատանումները կարող են դրական / բացասական ազդեցություն ունենալ վարկի մարումների վրա:

Հայտի մերժում

Այն դիմորդները, որոնք չեն համապատասխանում ծրագրային պահանջներին, կամ Բանկին չի բավարարում հաճախորդի վարկունակությունը չեն կարող վարկավորվել, որի վերաբերյալ հաճախորդի ցանկությամբ Բանկը կարող է տրամադրել գրավոր մերժում: Բանկը պատրաստակամ է սույն մերժման մասին տեղեկությունը հայտնել այլ ՀՀ բանկերին եւ վարկային կազմակերպություններին (ՀՀ Բանկային գաղտնիք մասին օրենք ):