Բանկի առաքելությունը և նպատակները

Անելիք Բանկի առաքելությունը

     "Անելիք Բանկ" ՓԲԸ առաքելությունն է. լինել վստահելի և կայուն գործընկեր փոքր և միջին ձեռնարկությունների համար, ապահովել արագ, որակյալ և մատչելի գներով Հայաստանի և արտերկրի ֆիզիկական անձանց դրամական փոխադրումները:
       Բանկը բանկային համակարգում գոյություն ունեցող և միջազգային ստանդարտներին համապատասխանող գործառնությունների և ծառայությունների ցանցի ընդլայնման գործընթացի շնորհիվ և հաճախորդների համար ստեղծած նպաստավոր պայմանների պարագայում վարում է իր կողմից որդեգրած բանկի համաչափ և կայուն զարգացման քաղաքականությունը:
       Բանկը Հայաստանի Հանրապետության առաջին բանկերից է, որը, օգտվելով միջազգային ֆինանսական կազմակերպությունների երկարաժամկետ և համեմատաբար ցածր տոկոսադրույքով միջոցներից, ինչպես նաև ներքին ֆինանսական շուկայից ներգրավված միջոցներից, իրականացնում է տնտեսության տարբեր ոլորտների վարկավորում, այդ թվում՝ արդյունաբերության, գյուղատնտեսության, առևտրի և սպասարկման ոլորտների: 
      Հաճախորդների սպասարկման որակի և մատուցվող ծառայութունների ցանկի և աշխարհագրության ընդլայնման, նոր բանկային տեխնոլոգիաների ներդրման միջոցով ամրապնդում է իր տեղը դրամական փոխադրումների ծառայությունների սպասարկման շուկայում:

Անելիք Բանկի նպատակները

Բանկը իր գործունեության ռազմավարական կարևոր խնդիրները իրականացնելիս իրեն համար կարևորում է հետևյալ նպատակները՝

  1. կապիտալիզացիայի մակարդակի բարձրացում, որի ընթացքում կարձանագրվի կապիտալի մակարդակի անընդատ բարձրացում,
  2. շուկայի անընդատ նվազող տոկոսադրույքների պայմաններում շահութաբերության բավարար մակարդակի ապահովում,
  3. բանկային ռիսկերի նվազեցում և կառավարում,
  4. նոր ձևավորվող ծառայությունների շուկաներում դիրքերի ամրապնդում և արդյունավետ գործունեության ծավալում,
  5. վարկավորման գործընթացներում ձեռք բերված հաջողությունների պահպանման, ամրապնդման և զարգացման, ինչպես նաև բնակարանների ձեռքբերման հիփոթեքային վարկավորման տեսակարար կշռի մեծացում,
  6. հաճախորդների սպասարկման պայմանների առավելագույնս բավարարում, ինչպես ծավալային, կառուցվածքային, այնպես էլ միջազգային ստանդարտներին համապատասխանեցման առումով,
  7. բանկի իմիջի բարձրացում, մատուցվող ծառայությունների մատչելիության և ցանկի, հաճախորդների սպասարկման պայմանների և մակարդակի, համապատասխան սպասարկող տեխնիկայի և սպասարկման անձնակազմի մասնագիտական որակավորման բարձրացման միջոցով
  8. նոր ներդրվող բանկային ծառայությունների ցանկի ընդլայնում, այդ թվում նոր միջազգային քարտային ծառայությունների ներդրման զարգացման միջոցով,
  9. ճիշտ կադրային քաղաքականության վարում, միաժամանակ բարձրացնելով անձնակազմի մասնագիտական որակավորման մակարդակը:

 Էջը թարմացվել է 31.08.2009 թ., 12:40